Навигация

 Главная

 Аналитика

 Новости

 Интервью

 Закрытая рубрика

 Видео

 Аудио

Дополнительно

 Правила

Блоги

 Маэстро

 Лаура

 Сауасса

 Алана

 Ассаис

 Мадина Гаглоева

 Мария Плион

 Bonum factum

 Valion75

Популярные публикации
  • Неделя Николая Носкова
  • Неделя Вадима Харебова
  • Утренний кофе. Цæуæм, цæуæм, цæуæм уæ цурмæ...
  • Утренний кофе. Dzioff. "Живые". Своё Радио (09.06.2016)
  • Утренний кофе. "Уарзон зарджытæ" от Вадима Сиукаева ( 4 часть)
  • Утренний кофе. Влад Тедеев
  • Утренний кофе. Бонварону - 45 (день первый)
  • Утренний кофе. Школа-студия "Бонварнон" - эстрадный концерт
  • С днем рождения, Шарль!
  • Утренний кофе. Мистикон
  • Аккаунт
    Логин
    Пароль
     

    Реклама
     
       Кокион: Зарæг йæхæдæг æвзары, цы ‘взагыл æй скæнай
      Раздел: Блоги / Ассаис

    Кокион Алла радта а-фæстаг бонты Цхинвалы цалдæр концерты. Хорз арæхсы гитарайыл цæгъдынмæ æмæ кæны зарджытæ иронау æмæ испайнагау. Ныхæстæ дæр сын йæхæдæг фæфыссы дыууæ ‘взагыл дæр. Фарон æмæ уый размае аз радта концерттæ гом арвы бын, Театралон фæзуаты. Ирон поэттæй Кокион æвзары нырма æрмæст Хаджеты Таймуразы, уый ныхæстыл дæр кæны зарджытæ. Йæхи æмæ йе сфæлдыстады тыххæй Кокион лæмбынæгдæр радзырдта Арæнзылдæн.

    Де сфæлдыстадон изæртæ, концерттæ арæхдæр райдайыс дæхи «Ног уарзт»-æй. Цæмæн?

    Йæ райдиан ахæм у, æмæ куы тыхсай, уæд æрсабыр уыдзынæ. Ай размæ, сæрды, концерт райдыдтон зарæг «Ирыстон»-æй, Таймуразы ныхæстыл. Нæ йæ хъуыдис уæд азарын, уый тыххæй æмæ, куыд фæнды ма уа, адæймаг тыхсы концерты райдианы. Æмæ Театралон фæзуаты куы зарыдтæн, уæд та концерт уыцы зарæгæй сæхгæдтон æмæ уæд тынг хорз рацыд. Знон даер уыцы зараегаей сыхгаедтон концерт, æмæ мын раст фæнд уыд.

    Кокион: Зарæг йæхæдæг æвзары, цы ‘взагыл æй скæнайЗноны концерты ма мын уыд зарæджы премьера. Таймуразæн ацы аз юбилейон у, 70 азы, æмæ мæ фæндыд скæнын ног зарæг йе ‘мдзæвгæйыл. Куы федтон «Куыд сырæзы лæг», уæд æй бамбæрстон - амæн æнæ заргæ нæй. Ног азы размæ цалдæр боны хъуырдухæн кодтон, нал мын æхсæв уыд, нал бон, стæй зæлтæ хьусын байдыдтон, иу бон, дыууæ, æртæ бон æмæ йæ зарын байдыдтон.

    «Хуссар Ирæн» зарæгæй райдыдтон æндæразы концерт æмæ уыцы концертæн уый хорз уыд, уый тыххæй æмæ уыцы концерт уыд бузныгы ныхас Ирыстоны чидæриддæр хъахъхъæдта, уыдонæн.

    «Ног уарзты» тыххæй мын лæмбынæгдæр нæ радзурдзынæ?

    Ног уарзт у ног цард, ног фæндæгтæ, ног дзинæдтæ. Адæймагæн вæййы фæлварæнтæ царды, кæмæн цы хуызæттæ, кæмæн та цы хуызæттæ. Фæлæ уыцы фæлварæнты кæд адæймаг йæ уд нæ сафы, царды ад æнкъары, уæд ын æнæцæргæйæ нæй, цы фæнды уæззау фæлварæнты ма уа, уымæн гæнæн нæй æмæ дарддæр йæ фарн ма ахæсса, ма цæра. Иу райсом сыстадтæн, ракастæн, æмæ загътон, зæгъгæ, ног бон куы райгуыры, уæд арвы рухс суры мæ мæт. Æмæ зарæг рацыд. Кæд æз а-царды иу уарзтæй басыгътæн, уæд мæ зæрдæ фæлтæрд у æмæ дарддæр мæ фидæн уымæй рæзы.

    Дæ аивады фæндаг кæд байдыдта?

    Бынтон гыццылæй, авд азы мыл куы цыд, уæд бацыдтæн Цхинвалы дыккаг музыкалон скъоламæ. Мæ фыд мæ акодта тыххæй - махмæ аккордеон уыд, æмæ мæн та пианиномæ фæндыд - мæ хъæбысы, дам, дæ ахæсдзынæн. Мæ фыдмæ музыканты професси нæй, фæлæ гитарайыл дæр цагъта, балалайкайыл енырдæр тынг хорз цæгъды, аккордеоныл йæхæдæг сахуыр кодта.

    Аккордеонмæ цыдтæн, зонын дæр мæ фæндыд, цæгъдын дæр мæ фæндыд, фæлæ йæ не ‘мбæрстон, куыд. Ныууагътон ме скъола, фæлæ мæ ахуыргæнæг Марина Усовичы фæндыд, цæмæй музыкалон ахуыргæнæндонмæ бацæуон æмæ мæ барвыста уырдæм Куымæриттаты Тинамæ. Уый мын акодта аккордеоныл иу цагъд æмæ мын бæрæг уыд - æнæ музыкайæ мæ цард нæ уыдзæн. Иу хатт мын афтæ загъта, цыдæр уацмыс мын амыдта æмæ: байхъус ма, куыд ныхас кæнынц мыртæ кæрæдзиимæ. Æмæ йæ уæд бамбæрстон – мæнмæ-иу зæлтæ кæй хъуыстысты, уый диссаг нæу.

    Ахуыргæнæндоны ма базонгæ дæн Гуыцмæзон Иннаимæ, уæд уырдæм кусынмæ бацыд. Тынг мæ фæндыд æхсæзтæнон фæндырыл, ома гитарайыл, цæгъдын. Испайнаг зæлтæ, æвзаг, гитара гыццылæй фæстæмæ мемæ æмдзу кæнынц. Æмæ Иннамæ æртæ мæйы баерц бацыдтæн ахуыр кæнынмæ. Уымае ахуыргаенаеджы стыр курдиат ис.

    Аз æмæ æрдæг фацахуыр кодтон бæрцæй ахуыргæнæндоны, стæй мæ цард афтæ фæзылд æмæ мае Цæгатмæ хъуыд ацæуын.

    Дзæуджыхъæуы уæвгæйæ, телевизоры федтон Сурен Саркисяны. Нæ йæ зыдтон, ахæм гитарист нæм кæй ис. Уый фæстæ фондз азы рацыд, архайдтон мæхæдæг, классика дæр тынг уарзын æмæ мæ фæндыд классикон гитарайы уацмыстæ цæгъдон. Стæй афтæ æрцыд, æмæ нын иумийаг зонгæ разынд, уый бахатыд Суренмæ мæнæн уроктæ радтыны тыххæй. Фыццаг урокы фæстæ бынтондæр æндæр хуызон байдыдтон цæгъдын. Иу аст урокмæ мын бантыст бацæуын æрмæст, фæлæ мын тынг пайда уыдысты.

    Зындгонд музыканттæй исчи бандæвта де ‘сфæлдыстадыл?

    Дунейы бирæ музыканттæ ис, кæцытæн æз табу кæнын. Алчидæр сæ зоны. Классикайы - Сеговиа, фламенкойы – Пако, Висенте, стæй Томатито, Сабикас, иннæтæй – Би Би Кинг, Клептон, Маклафлин, перкуссионисттæй - Закир Хуссейн. Фæлæ мæхи царды тынг стыр нысаниуæг ис Куымариттаты Тина, Сурен Саркисян æмæ, кæй зæгъын æй хъæуы, Джыгкайты Хсарæн. Уыимæ, хъыгагæн, зонгæ нæ дæн. Ирыстонæн стыр цухдзинад у, æмæ дзы нæй Хсарæн йæхи гитарайы скъола. Сурен, Тина æмæ Хсар мæнæн дуненон музыканттæй къаддæр не сты.

    Иу ахуыргæнæджы кой ма ракæндзынæн, Албегаты Аннайы тыххæй. Æнахуыр рæсугъд æмæ тыхджын хъæлæсы хицау у. Заргæ йае федтон æмæ йæ банкъардтон, ацы адæймаг мæ миддунейæн тынг æввахс кæй у. Базонгæ дæн йемæ иу æрдæг азы размæ. Йæ телефоны номертæ йын ссардтон, фæдзырдтон æм, бацыдтæн æм хæдзармае æмæ мæ бафарста цæмæн, дам, мæм ‘рбацыдтæ, заегъын, мае зарджытæ дын азарон. Куы йын азарыдтæн, уæд мын афтæ – зар, дам. Еныр æм цæуын «распевка»-тæ цы хонынц, уыдонмæ. Æмæ анкъарын зарæггæнæджы дæсныйад куыд диссаг у, хъæлæсмæ дзы цы хауы, уый. Мæнæн ахæм бæрзонд хъæлæс нæй, фæлæ мæ тынг цымыдис кæны зарды дæсныйады фылдæр цыдæртæ базонын, æмæ сæ Анна Хачатуровнайы фæрцы æнкъарын.

    Даехи къухайст дын ис дæ профессийы…

    Ууыл дзурын нæ уарзын, стиль æмæ куыд равзæрд, ууыл. Иу индиаг поэты кастæн æмæ йын уыд ахæм ныхæстæ: мæнæн мæ бон у æмæ дын балæвар кæнон стъалытæ, мæнæн мæ бон у æмæ дын балæвар кæнон дымгæйы фæлмæн унæр, фæлæ мæн фæнды æмæ дын балæрвар кæнон мæ удæй исты. Афтæ йае куы зæгъон, уæд æнцондæр бамбарæн уыдзæн стиль цы у, уый.

    Дæ зарджыты фылдæр хай ирон æвзагы хуссайраг ныхасæздæхтыл кæныс, цæмæн?

    Тынг мæ цымыдис кодта куыд хъуысы æвзаг, æз алцыдæр хъусгæ кæнын, адæм куы ныхас кæнынц, уæд сæм хъусын байдайын, сæ хъæлæстæ цыхуызæн сты. Мæ фыццаг зарæг испайнаг æвзагыл уыд. Фæлæ 2008 азы, хæсты фæстæ, райгуырд мæ фыццаг ирон зарæг. Фыццаг хæсты фæстæ-иу рухс дæр нæ уыд, цæмæй истæмæ хъуыстаин, телевизоры дæр-иу никуы федтон. Джыгкайты Хсары, «Бонвæрон»-ы æз нæ зыдтон, никуы сæ фехъуыстон, мæ мад сæ зыдта, фæлæ æз ахæм æхсæнады уыдтæн, æмæ сæ нæ зыдтон. Мæнæн мæ иуыл хуыздæр музыка уыд æрдз. Хъуыстон, кæм цыхуызæн зæлтæ ис, кæм къæвда, кæм дымгæ. Никуы æнхъæл уыдтæн æз, æмæ иронау зарæг ныффыссон. Хæсты фæстæ фыццаг хатт горæтмæ куы ‘рбахызтæн - мæнæ дыл цымæ кæугæ кæны, бæлæстæ дæр, къултæ дæр, афтæ уыд. Мæ цæстыты раз фыццаг хæсты нывтæ дæр ауадысты. Уæд мыл авд азы цыд. Фæндзæм скъолайы кæртмæ-иу куы иу лæппу æрбахастой, куы куы æртæ… Уыдон дæр снæуæг сты, æмæ афтæ райгуырд зарæг «Хуссар Ирæн».

    Иннæ аххосаг та уый, æмæ дæхи дæр хъуамæ зонай. Толерантность куыннæ, фыццаг адæймагдзинад, стæй та цы наци дæ. Фæлæ хи дæр зон. Еныр æвзаг гуырдзиаг, уырыссаг дзырдтæй байдзаг, æмæ чи дæ – ничи. Стæй иннæ та уый æмæ гуырцæй цы нæ рахæссай, уый аив нæ хъуысы. Дæхи здæхтыл бакус. Литературон норма зон, фæлæ нæ кæд Хуыцау скодта хуссайраг ирæттæй, уæд æй цæмæн хъуамæ ныссус кæнæм?

    Ноджы ма уый æмæ дунейы бирæ рæтты, зæгъæм, Испанийы, йæ регионты кæмыты куыд дзурынц, афтæ дзы заргæ дæр кæнынц æмæ æндæр дæр. Æмæ иутæ иннæтимæ уый тыххæй нæ хыл кæнынц. Ничи сын дзуры афтæ: Гарсиа Лорка уыцы нахасæздæхтыл фыста æмæ смах дæр афтæ зарут. Алчидæр кусы йæхионыл æмæ сын иумæ цæуы хорз. Махмæ дæр цæмæннæ ис гæнæн æмæ нæ ныхасæздæхтытыл зарæг дæр хъуыса, æмдзæвгæтæ дæр... Мах литературон норма нæ ивын кæнæм.

    Кæцыдæр зарджытæ та нæ кæныс хуссайраг ныхасæздæхтыл.

    Таймуразæн «Тореадор» - нæ йæ фехъуыстон хуссайрагыл. Æмæ никæмæй фехъуыстон, афтæ йæ цæмæн зарыс, зæгъгæ. Афтæ Къостайы «Цъиу æмæ сывæллæттæ» дæр. Æмдзæвгæ уыныс æмæ дæм разарыдис. Куы нæ дæм разара, уæд æм райсомæй изæрмæ дæр кæс - уæддæр ницы. Иу зарæг та мын ис уырыссаг æвзагыл – «Колыбельная». Зарæг æй йæхæдæг æвзары, цы ‘взагыл æй скæнай.

    Кæд райдыдтай концерттæ дæттын?

    2011-м азы зарæггæнæг Элла Авагимоваимæ уыд фыццаг концерт. Уый размæ-иу ме ‘мбæлттæн зарыдтæн. Бынтон фыццаг хатт та аудиторийы размæ рахызтæн студентон клуб «Аполлон»-ы. Уыцы рæстæджы мын Саулохты Тамара балæвар кодта Хаджеты Таймуразы чиныг.

    Стæй Дзæуджыхъæумæ куы ацыдтæн, уæд кæсын æмæ хæдзары дæр ацы чиныг. Кæцæй, - æмæ мæ фыд афтæ, уый, дам, мæнæ нæхи Таймураз куы у - йе ‘мбал уыд. Уæд райдыдтон йе сфелдыстадимæ лæмбынæг зонгæ кæнын. Тынг уарзын скæсæйнаг поэзи, Руми, Низамийы, фæлæ уыдон тæлмац сты. Тæхуды-иу кодтон уыдон сæхи ‘взагыл фехъусын. Стæй Таймуразы æмдзæвгæтæ куы бакастæн, уæд сулæфыдтæн. Ацы поэтæн мæ йæ цæстæнгас, йæ уды тых дисы баппæрстой. Таймураз мын æрмæст поэт нæу, фæлæ у мæ ахуыргæнæг.

    Иу поэты ма рахицæн кодтай уæддæр – Мæргъиты Ирбегы.

    Уый бынтон æрæджы. Ирбег æвзонг натуралистты станцийы кусы æмæ мæм бахатыд - азар ма, дам, сывæллæттæн. Уым мын ахуыргæнджытæй чидæр афтæ, зоныс, дам, æй Ирбег дæр æмдзæвгæтæ кæй фыссы. Нæ йæ зыдтон. Стæй мын йе ‘мбырдгонд балæвар кодта. Æмæ дзы федтон ауыцы æмдзæвгæ - «Кæм дæ, цæй фæзын ма мæ уарзтмæ». Тынг «фæлмæн» æмдзæвгæ мæм фæкаст. Æз зарæг «Аргъау» схуыдтон , аргъауы хуызæн мæм кæсы. Æнæуый та йæ æмбæлтты ‘хсæн хонæм «Ирбегы зарæг», афтæ нын баззад.

    Ис Хуссар Иры ныртæккæ музыканты профессийæ цардæн фæрæз кæнын?

    Мæнæн ис иу нысан – зарын мæ фæнды æмæ зардзынæн. Билеттæ нæ уæй кæнын. Æз нæ бацæудзынæн æмæ нæ зæгъдынæн, бафидут мын æмæ азардзынæн. Исчи мын куы зæгъа – мæнæ дын, уæд нæйы нæ зæгъдзынæн.

    Мæнмæ зарын цыд, æмæ æз куыдфæндыдæр азардзынæн. Бафæндыд мæ цæмæй горæты айхъуыса зарæг. Театралон фæзуаты концерт 2013 азы октябрмæ цыд æмæ мын афтæ дзырдтой, къæвдатæ, дам, уыдзæн æмæ ничи ссæудзæн. Уый размæ ацы фæзы адæм миты сæлгæ кодтой, бынтондæр концертты, æхцондзинæдты тыххæй нæйы, æмæ, зæгъын, кæд еныр колгайы (зонтик) бын иу сахат ничи алæудзæн, уæд иунæгæй рацæудзынæн, зардзынæн горæтæн, бæлæстæн. Фæлæ уыдысты концерты адæм. Мæн фæнды æмæ алы аз дæр уа афтæ. Чидæртæ фæзæгъынц, «формат», дам, æндæр у, ахæм музыкамæ, дам, «залы хъусын хъæуы». Цыхуызæн ахæм музыкамæ? Зарын дæм цæуы - рахызтæ æмæ зарыс.

    Æцæг хорздзинад, æцæг рæсугъдзинадæн æппындæр ницы хъæуы. Фæлæ цæмæй æуыцы "æппындæр ницыхъæуынад" бамбарай, банкъарай, уымæн бирæ цыдæртæ хъæуы. Раст у -«успехтæ», цыдæртæ - кæд уой, уæд уæт, фæлæ дæ кæд дæ зæрдæ тæры, уæд дын чидæр цыдæр нæ радта, аппаратура нæй, уый дæ ма хъуамæ баурома. Ме ‘мбæлттæм бахатын æмæ сæ бон цæмæй у, алцæмæй дæр мын æххуыс кæнынц.

    Ныхас кодта Туаты Сæлимæт


    Разместил: Assais | Версия для печати |Просмотров: 3066 | Комментариев: 3 |
    #1 Написал: diAMOND (24 января 2015 20:33)

    Откуда: Vladikavkaz-Sinhwael

    Комментариев: 2877

    Публикаций: 1039

    Статус: Пользователь offline

    Хорз интервью. Бузныг Кокион аемае Туайон:) Уаелдаейдаер иронау каей у, уый тыхаей.
      Зарегистрирован: 26.11.2010 ICQ: {icq}
    #2 Написал: usima1 (24 января 2015 21:55)

    Откуда:

    Комментариев: 3177

    Публикаций: 1088

    Статус: Пользователь offline

    Фаешыд мае заердаемае. Хорз райдиан у. Таймуразы поэзи каей равзаерста, уый махаей алкаемаен даер аевдисаенаен баеззы Кокион ирон дзырдмае уарзон шаестаей каей каесы, уымаен. Заргае даер каены гораеттаг аевзаг, интонаци, манеры, иу дзырдаей, зармоны домаентаем гаесгае. Дарддаер ын мае заердае заегъы сфаелдыстадон раез аемае аентыстытае.


    Салима, ды тынг дае каеддаериддаер).

    --------------------
      Зарегистрирован: 14.11.2011 ICQ: {icq}
    #3 Написал: crOSSover (24 января 2015 22:07)

    Откуда: рсо-алания

    Комментариев: 2301

    Публикаций: 385

    Статус: Пользователь offline

    Тынг зардамажаеугае ныхаестае фаекодта кокион. rose_mini Саели баедаейнаг  rose_mini
      Зарегистрирован: 8.10.2011 ICQ: {icq}
    Информация
    Посетители, находящиеся в группе Гости, не могут оставлять комментарии к данной публикации.
    Наши рубрики

     МОНАССОН РЕСПУБЛИКА

     ЗАРМОН

     Зармон - usima1

      Парк "Z"

    _

     Нартиада GOLD

     Криминальное чтиво

     Рубрика Леонида Кочиева

     Къулбадæг газет

     Юмор

     Фотогалерея

     Архив

    Последние комментарии
      
    • usima1 21.06.2018
      Утренний кофе. Продолжаем плав ... (1)
      usima1-фото
      Всем привет. Совсем другое дело! Сегодня мне плавание наше понравилось больше. К тому же к концу плейлиста вспомнила еще пару-другую песен. Ома, уыдзæн ма.

      Сегодня день рождения Виктора Цоя. Добавила в плейлист его песню. Совсем в тему. 
    • 
    • usima1 20.06.2018
      Утренний кофе. Корабли, моря и ... (1)
      usima1-фото
      Всем привет. Утром разбудила мечта. Хотелось очутиться на необитаемом, вокруг бескрайние волнистые воды, остров мог бы быть кораблем, яхтой, катером, лодкой. Музыка - лучшая из сублимаций)). Сегодня в парке моря и океаны - уходим в плаванье, друзья.

      Песни я поставила, конечно, милые, фæлæ мæ нæ систой. То чувство, когда понимаешь, что лучшее осталось за бортом. Предлагайте дополнения в тему. Пойду поищу в ютубе пару хэдлайнерских вещей для утреннего настроения.

      С уайтснейками совсем неплохо, но завтра продолжим тему. А то у нас сегодня чуть ли не штиль. Это мило, но завтра, надеюсь, будет волнительнее).
    • 
    • usima1 19.06.2018
      Утренний кофе. Fairport Conven ... (1)
      usima1-фото
      Всем привет).
       
      Fairport Convention («Фэйрпортское соглашение») — британская рок-группа, образовавшаяся в 1967 году в Лондоне, и соединившая в своём творчестве элементы фолк-рока, прогрессивного рока и психоделии, создала (совместно с Pentangle) новый суб-жанр: так называемый «электрический фолк»[1]. В 1969—1970 годах Fairport Convention стояли у истоков движения фолк-возрождения
    • 
    • Goyim 18.06.2018
      Тбауæн зарыдтæн æз доны былæй (5)
      Goyim-фото
      Лæгæтæй ферттывта йæ цæст.  Грандиозно!!!
    • 
    • Алан Чочиев 18.06.2018
      Утренний кофе. Бæрæгбоны цытæн (3)
      Алан Чочиев-фото
      БОНХОРЗ КУВДДЖИВЭНГДЖЭН МОНАС!
       
      Я точно знаю что ИСПРОШЕНИЯМ СЛЕДОВАТЬ-kwo-væd\\кувд\\ могут только ПАРЯШЕ-КРЫЛЫЕ-jiw-wæng\\дживэнг\\... 
       
      потому вам АБОН - АМЕН-ОМЕН!!!
    • 
    • Алан Чочиев 18.06.2018
      Тбауæн зарыдтæн æз доны былæй (5)
      Алан Чочиев-фото
      BONHORZ KADAVARTÆ!
       
       
      МАЭСТРО, \"классэл\" СÆХХÆСТ АФÆЖ - афон йэн у къахэл æслæууа æмæ БАЗЭР АЙТЭНГ УА...
       
      æмæ УИ ÆНÆзармон дживэнгтэл НЕ СТÆХДЖЭН - ЗÆЛ У ДЖИВЭНГ базэрæн... æмæ БАЗАРЭНÆН...
       
    • 
    • usima1 18.06.2018
      Утренний кофе. Бæрæгбоны цытæн (3)
      usima1-фото
      Всем привет). Рекомы бонтæй уæзданæй æрбахызтыстæм Уациллайы бонтæм. Монасс, Уациллайы хорзæхтæй хайджын уæм кæддæриддæр, йæ карз цæхæрæй хызт.
       
      Карз æрвонтæй у Уацилла, фæлæ мæнæн тынг уарзон). Зæгъынч, рок-музыка, дам, тынг уарзы. Чи зоны дам-думтæ сты. Фæрæ куы ныннæры æмæ куы ферттивы - мæ боныл, рокерты хуыздæр! Ахæм драммер, стей шоумен?! Фæлмæн къæвда куы фæуары, уæд та балладатæ.)
       
      Абон, фыдæлты фæткмæ гæсгæ, Хацыртæ æмæ Гуццатæ куывды сæр лæууынц. Иуæй-иу Хацырты куывд абон уыдзæн сæрмагондæй Монассы адæмæн. Арфæгонд уæм! 
    • 
    • usima1 17.06.2018
      Утренний кофе. Maggie Bell - S ... (5)
      usima1-фото
      Всем привет. Решила глянуть, что мы слушали в этот день в прошлом году. Имя мне ни о чем не сказало, но как только стала слушать, вспомнила ее тут же. Интересная певица
    • 
    • usima1 16.06.2018
      Утренний кофе. Мистикон (10)
      usima1-фото
      Всем привет). Сегодняшний утренний кофе посвящается одному из любимых небожителей. 
       
      Йæ хæрзæх уæ уæт, монассы адæм! Йæ фарны рухсæй арфæгонд ут!
    • 
    • usima1 15.06.2018
      Утренний кофе. Pink Floyd "A ... (1)
      usima1-фото
      Всем привет). Зашла в ютуб, угодила в плейлист, там и осталась. А это значит, что сегодня утром мы слушаем Pink Floyd / The Best of Pink Floyd: A Foot in the Door 2011.
      Спасибо Roy Hulland-у, собравшему плейлист по альбому 2011-го. 
    Онлайн
    
    Всего на сайте: 8
    Пользователей: 0
    Гостей: 8
    Поиск по сайту
    Архив
    Июнь 2018 (33)
    Май 2018 (47)
    Апрель 2018 (19)
    Март 2018 (50)
    Февраль 2018 (51)
    Январь 2018 (57)
    Статистика

    © 2011-2018 aranzeld.com