Навигация

 Главная

 Аналитика

 Новости

 Интервью

 Закрытая рубрика

 Видео

 Аудио

Дополнительно

 Правила

Блоги

 Маэстро

 Лаура

 Сауасса

 Алана

 Ассаис

 Мадина Гаглоева

 Мария Плион

 Bonum factum

 Valion75

Популярные публикации
  • Утренний кофе. Алихан Токаты
  • Выучить родной язык осетинам помогут поэзия и музыканты. Интервью с переводчиком
  • Утренний кофе. Николай Носков
  • Утренний кофе. Роза Парацельса
  • Утренний кофе. Ронни Джеймс Дио
  • Утренний кофе. "Уарзон зарджытæ" от Вадима Сиукаева ( 4 часть)
  • С днем рождения, Сауасса!
  • Мæцæлæджы цад
  • День БИТЛЗ
  • Утренний кофе. Sade
  • Аккаунт
    Логин
    Пароль
     

    Реклама
     
       Неизвестный поэт Арбиаты Хатахцыко (4 часть) Мæ ныстуан
      Раздел: Парк "Z"

     https://sun9-68.userapi.com/c205728/v205728740/32543/CWoWRDmouc0.jpg

     

                   МÆ НЫСТУАН


                    БÆЛЦЦОН

    Æрбаздæх фæндагæй фæстæмæ...

    Хуыздæр фæнд амонын дæуæн!

    Нæ комæй н’ адæмæн æддæмæ

    Ныр нал и балцы дæр цæуæн...

     

    Нæхи Ир иунæгæй куы зайы,

    Нæ фæстæ сидзæрæй, æнкъард,

    Нæ фыдгул не ‘фсырдыл куы райы,

    Куы халы не ‘ппæтæн нæ цард!

     

    НÆ ХЪÆУТÆ

    Нæ хъæутæ иунæгæй ныууадзæм,

    Фæцæуæм цардагурæг дард.

    Фыдгулты не ‘хсæнмæ æруадзæм

    Æмæ нын фехалынц нæ цард!

     

    Нæхимæ  раздæхæм уæдæмæ,

    Æнцон у махмæ дæр цæрын...

    Нæ хъус дæр ма дарæм æддæмæ, -

    Нæ зæххыл зондзыстæм цæрын...
     

    ХЪÆУДЗЫРД

    Æрхонæм нæ дзыллæйы дардыл,

    Æркæнæм сæ иумæ æмбырд,

    Нæ талынг зæрдæриссæн цардыл

    Мах бакæнæм абон хъæудзырд!

     

    Мæгуыр ран, фыд-заман - нæ цæрæн,

    Нæ цард дзы æрвитæм зынтæй,

    Хуыздæр хос ыскæнæм нæ сæртæн

    Æмхуызонæй - фæндæй!

     

    ЦÆРГÆС

    Ратæх, ратæх, тагъд мæ размæ,

    Домбай, базырджын цæргæс...

    Æмæ ардыгæй Кавказмæ

    Тагъд мæ ныстыуан фæхæсс!..

     

    Атæх, цу... æмæ къуыримæ

    Хæхты мах коммæ æртæх...

    Радзур хабæрттæ нæхимæ,

    Хъæубæстæн саламтæ зæгъ...

     

    Æз куы дæн ирон, хæхбæстаг,

    Рагæй дард бæсты цæрын...

    Хæсты кæрон ныр æрхæстæг,

    Ныр нæхи бæстæм цæуын!

     

    Уарзон адæм мæм цæудзысты,

    Куывд ыскæндзысты мæнæн.

    «Айс нæ ныуазæн! - зæгъдзысты, -

    Баназ,цæй! Кæннод - кæлæн!»

     

    Хицон адæмы ыхсæны

    Бирæ æмгæрттæ уæвгæ,

    Мах уым нуаздзыстæм бæгæны,

    Рагон замантæ мысгæ...

     

    Ратæх, ратæх, тагъд мæ размæ,

    Домбай, базырджын цæргæс...

    Æмæ ардыгæй Кавказмæ

     

    Ды мæ ныстыуан фæхæсс!..

     

    ÆФСЫМÆР

    (Хæсты быдыры)

    Æхсызгон у, сагъæс кæнгæйæ,

    Æцæгæлон бæсты фæсфæд, -

    Æвиппайды æнæнхъæлгæйæ

    Дæхионыл ку ‘амбæлай, уæд!

     

    Фыдыбæстæ чи уарза, уымæн

    Йæ зæрдыл æрлæудзæн гъе уæд

    Йæ хæстæг, йæ æрдхорд, йæ лымæн,

    Йæ хæхтæ, йæ бæстæ - æппæт!

     

    Цы хабар и хъæуты нæхимæ!

    Зæгъ-ма мын... куы ницы дзурыс!

    Æз дард ран æцæгæлæттимæ

    Ам рагæй цæрын, уый уыныс!..

     

    Нæ къухы ис бирæ бæстæтæ, -

    Хæцæг адæм арæх, тыхджын,

    Фæлæ уæддæр - искæй дзыллæтæ,

    Æфсымæр дзы никуы уынын!

     

    Уæд, ме ‘фсымæр! Нику’ ис нæхимæ

    Дзыллæйы æфсымæрдзинад!

    Нæ райгуырæн уарзон хæхтимæ

    Фæцæрæд нæ адæмы кад!

     

    Цæуын æз ныр дарддæр! Æнкъард у

    Дæ зæрдæ мæн тыххæй тыхджын.

    Цæуыс ды, дæ фæндаг дæр дард у,

    Æмæ дын фæндараст зæгъын!..

     

    Фæндараст, фæлæ мын нæ хæхтæм

    Мæ ныстуан, мæ салам фæхæсс!

    Æмæ-иу нæ арф кæмтты дæгътæм

    Мæн тыххæй уæлдай хатт ыскæс!

     

    САУ ЧИНЫГ

     Хъæды туркаджы нæмыгæй

    Мардæй иу салдат хуыссы,

    Нæ йæ бамбæрзæг æлыгæй,

    Никæй зæрдæ йыл тыхсы.

     

    Митæй, уазалæй нæ сийы,

    Мардæн ницы у æвгъау,

    Зæххæй, уарынæй æмбийы,

    Хурæй фехæлди, ныссау...

     

    Зилынц халæттæ йæ сæрмæ

    Хъæдмæ дард рæттæй тæхынц,

    Æмæ райсомæй-изæрмæ

    Стонгæй марды фыд хæрынц...

     

    Уайтагъд салдатæн йæ бæстæй

    Схæццæ иу хъулон гæххæт:

    «Рарвит-ма дæ хабар хæстæй,

    Мах кæнæм æдзух дæ мæт...

     

    Афæдз ныр дæ ус куырдуаты

    Ам мæт кæнгæйæ цæры.

    Рацу тагъд, дæумæ куы бады,

    Раздæх кадимæ рæхджы...»

     

    Фæлæ сау чиныг æхгæдæй

    Уайтагъд хæдзармæ æрцыд,

    Æмæ бинонтæн æппæтæй

    Загъта сау цыбыр уацхъуыд:

     

    «Хæсты мард фæци, - дзæнæты

    Рухс цытджын ран уæд уæ фырт,

    Фæлæ йын цъæхнæуу сæрвæты

    Хибарæй ныссадзут цырт...»

     

    АДÆМ

     

    Адæм куынæ сæфой кады мæлæтæй,

    Иуæй куы ферох уа царды фæндаг,

    Иннæтæ ку’ ацуой йæ фæдыл æппæтæй,

    Дуне куы хæла сæ митæй, мыййаг.

     

    Зон уæд бæлвырдæй, сæ сæртæн,

    Исты куы уыдзæн сæцардæн,уый зон.

    Зон уæд, кæй фесæфт сæ заман, сæ рæстæг,

    Зон уæд, кæй кæндзæн сыл талынг сæ бон...

     

    Адæм фыдбонтæ, бæллæхтæ уындзысты,

    Хъуамæ сæ фылдæр кæндзысты кæугæ.

    Бирæ сæ цардмæ бæлвырддæр кæсдзысты.

    Хæрзты куы фæзмиккой æппæт, бæргæ! 
     
     
     

    ÆЗ КУЫ УАИН!

     

    Æз куы уаин фыдæлты заманæй,

    Уæд бæх æмæ лæгæй цæрин

    Æмæ дын дин æмæ иманæй

    Æдзух нæ сомытæ кæнин...

     

    Дзырд-иу кæрæдзийæн зæгъиккам,

    Æмæ йæ алчидæр кæсид.

    Нæ сæртæ кадджынæй хæссиккам,

    Æмæ нæ алчи дæр фæзмид!

     

    ХÆДЗАР

     

    Йæ туг куы ныккæлид хæдзарæн!

    Æз ыл мæ чысылæй зылдтæн

    Æмæ йын не ссардтон йæ барæн.

    Ныр дзы цы ракæнон лæварæн -

    Мæ хæлар дардбæстаг лæгæн?

     

    Æккойæ, фистæгæй, уæрдонæй

    Кыди æппæтæй дæр мæ куыст.

    Уæддæр нæбафсæстæн цард-бонæй.

    Фæлæ мæ дзаумæттæ: хæдонæй,

    Куырæтæй иууылдæр - æмпъызт!

     

    МÆСЫГ

     

    Айнæджы рындзыл нæ мæсыг лæууыди

    Бæрзонд-фидарæй бирæ æзты.

    Тохы фыдбонтæ йыл бирæ фæцыди

    Хохы топпыдзыхæй ист бæсты.

     

    Гъе-уæууæй! Хох-мæсыг! Искæй æхсарæй

    Ды фыццаг дæр куы никуы тарстæ,

    Афтæмæй хæхты дымгæйæ бындзарæй

    Ныр бæласау куы рафæлдæхтæ!

     

    Знон дæр ма хохау бæрзондæйлæууыдтæ,

    Ныр дын абон дæ дуртæхæссынц.

    Фыдæлтæ уарт æмæ ‘хсарæн бæззыдтæ,

    Ныр дæ фосы дзуг ривæд кæнынц.

     

    Фыдæлты цард ма дæ фендæй мысыдтæн,

    Ныр нæ фыдæлтау фесæфт дæ бон...

    Искуы мыййаг-иу дæ сæрмæ куы ссыдтæн,

    Уæд-иу дуне мæхицæн хыгътон...

     

    Гъе-уæууæй! Хох-мæсыг! Искæй æхсарæй

    Ды фыццаг дæр куы никуы тарстæ,

    Афтæмæй хæхты дымгæйæ бындзарæй

    Ныр бæласау куы рафæлдæхтæ!..

     

    НÆЗЫТÆ

    Хохы айнæджы бæрзондæй

    Коммæ иу нæзы зыны.

    Хох-хъæдююю Хуыскæ бæлас зæрондæй

    Рындзыл бир’æзты лæууы...

     

    Зæронд саударæг бæласыл

    Их дæр, уарын дæр цæуы.

    Хохы дымгæйыæртасы,

    Уад æй къалиугай сæтты...

     

    Зжронд хуыскæ нæзы йæцардæй

    Раджы сфæлмæцыд, ысхъыг,

    Æмæ айнæгыл æнкъардæй

    Калы ставд цæссыг...

     

    Фалдæр айнæджы цæгатæй

    Даргъ рæсугъд нæзы зынди,

    Цуанон-адæмæн фæлладæй

    Агъуыст найфатау уыди...

     

    Даргътала нæзы лæууыди

    Хохæн фидауцæн,уындæн...

    Дурæн бадынæн бæззыди,

    Хъæуæн найфаты куывддæн.

     

    Мигътæ, æврæгътæ нæ хæхтæй

    Тар, мæстыхуызæй кæсынц...

    Фехстой айнæджы къæдзæхтæй, -

    Кæмттæм тагъд зæйтæ тæхынц.

     

    Уайтагъд арвы цæлхъ фæцыди

    Сау хох, сау мигъы сæрæй,

    Тала даргъ нæзы лæууыди

    Тигътыл уæнггай пырхæй.

     

    Хох-хъæд... Хуыскъ нæзы зæрондæй

    Рындзыл абондæр лæууы...

    Ниуы айнæджы бæрзондæй,

    Уад æй къалиугай сæтты...

     

    СУАДОН

     

    Уæлхохы, арв кæцæй фæнæры,

    Уым иу ран уалдзæгæй,сæрдæй,

    Фæйлаугæ иу суадон æвзæры,

    Æвзæры урс дзæнхъа хъуырæй.

     

    Мæ зæрдæ нуазинаг куы куры

    Фæсфæллад цуанонæй, мыййаг,

    Уæд-иу æз абадын йæ цуры

    Æмæ дзы аназын мæ фаг.

     

    Хæрам дæр нал вæййы мæ зæрды,

    Мæ цард дæр хъæлдзæгдæр вæййы.

    Æмæ мын сæггуытты хуыздæрты

    Æфсати ралæвар кæны.

     

    Æхсæв æм дзуæрттæ дæр æртæхынц

    Нæ хохы рухс кувæндæттæй,-

    Фæстæмæ бонырдæм фездæхынц

    Æхсæвы сауталынг цæстæй.

     

    Ды дæр дзы баназ, - кæд дæ цардæй

    Дæ зæрдæ ма тыхса, зæгъыс,

    Йе кæд фыд-зæрдæйæ, æнкъардæй

    Æдзухдæр адæммæ кæсыс...

     
     

    ТÆРХОН

     

    Дæхи нæ адæмæй нæ хуыдтай,

    Нæ рыстæй дзыллæйы рыстæй.

    Нæ уæззау бæллæхтæ нæ зыдтай,

    Нæ... цæссыгтæ нæ уыдтай,

    Фæлæ ныл ды зылдтæ фыдæй...

     

    Ныр абон н’ алкæй дæр ныууагътай,

    Дæ цæрæн дард бæстæм хæссыс.

    Хæрзбон нæ иуæн дæр нæ загътай,

    Æппæты зæрдæ дæр ыскъахтай

    Æмæ ныр афтæмæй цæуыс!..

     

    Фæндараст! Æз дæуау куы зонин

    Æнæмæт фосы цард кæнын,

    Гъе уæд мæгуыр мæхи нæ хонин,

    Мæ бонтæ сагъæстæй нæ тонин,

    Нæ зонин уынæргъын, хъæрзын.

     

    Æрцæуа не ‘ппæтæн дæр, уастæн,

    Хуыцауæй тынг хорз, раст тæрхон.

    Кæд-æппын раст лæгæн йæ мастæн,

    Мæгуыр æфхæрд лæгæн йæ хъастæн

    Æрцæуид искæд бон кæрон!

     

    ТУРЧЫ ХÆХТЫ

     

    Тухи - быдбонтæй æцæгæлон бæсты,

    Сау хъæды, сау кæмтты дард,

    Тугагур саглæг, æфсымæрау хæсты

    Иумæ æрвитæм нæ цард.

     

    Уазал уæд æрхыты ниуы, дзыназы

    Цъитиджын хæхты сæрæй,

    Зымæг æрбалæууыл уайтагъд нæ разы,

    Уазал, æххормагхуызæй...

     

    Сау мигъ æрæхгæдта хъæды кæрæттæ,

    Хæхтæ æнкъардæй кæсынц.

    Фидæрттæй махимæ Турчы æфсæдтæ

    Бонæй,æхсæвæй хæцынц.

     

    Сау джебогъ, даргъ нæмыг, не знаг, нæ марæг,

    Уый бæрц нæм кæнынц цæгъдгæ,

    Фæлæ тынг бирæйы урссæр ныййарæг

    Баззад дзыназгæ, кæугæ.

     

    Бирæ бинонты фæсайдта сæ дарæг,

    Баззади мардæй кæмдæр...

    Додой фæкæна! Йæ зæронд ныййарæг

    Тоны, рæдувы йæ сæр.

     

    Тынгдæр кæуинаг у хæхты мæлгæйæ

    Иунæг æнæскæуæг чиу,

    Чи йыл ыскæудзæни? Дарæг кæмæй ис,

    Чи хойдзæн ууыл йæ риу?

     

    Рухс уæд уæ ахæрæт, сидзæр, мæгуыртæ!

    Иунæгæй баззад уæ ном.

    Фæлæ æфсæнриутæй хæсты быдырты

    Скодтат уæ бæстæн цæсгом.



    Разместил: usima1 | Версия для печати |Просмотров: 712 | Комментариев: 4 |
    #1 Написал: usima1 (16 января 2020 11:07)

    Откуда:

    Комментариев: 3573

    Публикаций: 1299

    Статус: Пользователь offline

    Продолжаем. На этой странице будут публиковаться стихи Хатахцыко Арбиаты, которые были опубликованы в журнале "Мах дуг", 1991, №11.

     

    Дата объясняет почему это явление прошло нами (в узком аранзелдовском смысле слова:)) незамеченным. Мы были в блокаде. Нами, в широком смысле, боюсь, ставшее привычкой равнодушие к национальным талантам. При лозунгах "спасем осетинский язык"... Буду детально рассказывать о трудностях, с которыми столкнулись, и о позитивном. Есть кроме нас люди, которым не все равно. И куча проблем. Но будем последовательны. 

    Выражаю благодарность "Мах дуг"-у за эту публикацию, иначе поиски стихов были бы сильно затруднены. Хотя это прямая обязанность осетинского литературного журнала. Тем не менее.

    А также благодарна Наташе Кокион и Детской библиотеке в лице Кочиевой Клары Михайловны за этот материал.

    Стихи продолжу выкладывать тут. Пока далеко не все.



    И да, перед нами Поэт. Творчество его рассмотрим позже. Пока попробуем найти все, что сохранилось.

     

    Читайте не торопясь. Наслаждайтесь звучанием родного языка. Прекрасная музыка стиха, местами непривычная, владение словом, удивительные сочетания слов... 


    --------------------
      Зарегистрирован: 14.11.2011 ICQ: {icq}
    #2 Написал: usima1 (17 января 2020 09:59)

    Откуда:

    Комментариев: 3573

    Публикаций: 1299

    Статус: Пользователь offline

    Теперь все стихи с журнала "Мах дуг" здесь.

     

     


    --------------------
      Зарегистрирован: 14.11.2011 ICQ: {icq}
    #3 Написал: crOSSover (17 января 2020 19:11)

    Откуда: рсо-алания

    Комментариев: 2340

    Публикаций: 390

    Статус: Пользователь offline

    usima1 Йа такка мидаг и иронжинадан... Талантливые и глубокие  образы. В целом, та же непреодолимая  печаль, и плач о состоянии народа... И что важно - у него те же "парадигмы" - война, героизм, печаль  и плохие перспективы  для жизни...

    Рухс уæд уæ ахæрæт, сидзæр, мæгуыртæ!

    Иунæгæй баззад уæ ном.

    Фæлæ æфсæнриутæй хæсты быдырты

    Скодтат уæ бæстæн цæсгом.

    ЦУасгом исчезает вместе с одним невоспитанным поколением. А для фсех поколений делать войну, чтобы "делали цасгом" невозможно уже. мало народу!!! Потом, осетины еще не софсем поняли, что цасгом можно и нужно делать культурой и работой!  То есть головой. А в современном изложении - УМЕНИЕМ ФОРМИРОВАТЬ ВЛАСТЬ И ВЫБИРАТЬ ПРЕДВОДИТЕЛЕЙ!

      Зарегистрирован: 8.10.2011 ICQ: {icq}
    #4 Написал: usima1 (19 января 2020 13:42)

    Откуда:

    Комментариев: 3573

    Публикаций: 1299

    Статус: Пользователь offline

    Цитата: crOSSover
    usima1 Йа такка мидаг и иронжинадан... Талантливые и глубокие  образы. В целом, та же непреодолимая  печаль, и плач о состоянии народа... И что важно - у него те же "парадигмы" - война, героизм, печаль  и плохие перспективы  для жизни...

     

    Еще у нас есть стихи. Очень сильные. Они в наборе, скоро поставим на сайт.


    --------------------
      Зарегистрирован: 14.11.2011 ICQ: {icq}
    Информация
    Посетители, находящиеся в группе Гости, не могут оставлять комментарии к данной публикации.
    Наши рубрики

     МОНАССОН РЕСПУБЛИКА

     ЗАРМОН

     Зармон - usima1

      Парк "Z"

    _

     Нартиада GOLD

     Криминальное чтиво

     Рубрика Леонида Кочиева

     Къулбадæг газет

     Юмор

     Фотогалерея

     Архив

    Последние комментарии
      
    • usima1 23.01.2020
      Неизвестный поэт Арбиаты Хадах ... (1)
      usima1-фото

      Фæндзæм хайы равæрдзынæн \"Рæстдзинады\" (1991, 14 сент.) цы æмдзæвгæтæ мыхуыр æрцыдысты, уыдон.

       

      Куыд дарддæр афтæ тынгдæр мæ зæрдæмæ цæуы.

      Диссаджы æмдзæвгæ.

       

      Уыдзæн ма) бондæргъы).

       

       

       

       

    • 
    • usima1 23.01.2020
      Утренний кофе. Udo Dirkschneid ... (3)
      usima1-фото

      Всем привет.

       

       

      Цитата: usima1
      . Слушаем еще одного очень симпатичного нам рок-музыканта - Удо. Гитарист - Андрей Смирнов. Очень хорош. И, рада, что он участник группы \"Небеса\", где один из вокалистов Вахтанг Задиев. 11 апреля в Москве, в Кремлевском дворце будет концерт группы \"Небеса\" с симфоническим оркестром. Собираемся в поход). 

       

      Приятно вспомнить.

    • 
    • usima1 22.01.2020
      Мæцæлæджы цад (11)
      usima1-фото

      Цитата: crOSSover
      Азау, ног дзырдуат дахадаг куама раудзай... Язык,  полный мистических описаний природы и человека, характера... ИНтерсно очень!

       

      Если мæ ныхылфыст содержит такой пункт и дает на это времени немного)... По крайней мере, начало положено)...

    • 
    • crOSSover 22.01.2020
      Мæцæлæджы цад (11)
      crOSSover-фото

      Азау, ног дзырдуат дахадаг куама раудзай... Язык,  полный мистических описаний природы и человека, характера... ИНтерсно очень!

    • 
    • usima1 22.01.2020
      Утренний кофе. Sade (10)
      usima1-фото

      Цитата: Алан Чочиев
      Шæмæйдæр мэн МАРИ ЛАФОРЕ рэмэсэди... ШÆМÆЙ......

      Атмосферон сты дыууæ дæр.

    • 
    • usima1 22.01.2020
      Утренний кофе. Мари Лафоре (4)
      usima1-фото

      Всем привет. Алан, испешели фор ю).

    • 
    • Goyim 21.01.2020
      Неизвестный поэт Арбиаты Хатах ... (4)
      Goyim-фото

      Aga...., s4as! Alanu \"boevoj raskras i per`ja\" i vpered v razvedku bully 

    • 
    • Алан Чочиев 21.01.2020
      Утренний кофе. Sade (10)
      Алан Чочиев-фото

      BONHORZ ARÆNZELD!

       

      Шæмæйдæр мэн МАРИ ЛАФОРЕ рэмэсэди... ШÆМÆЙ......

    • 
    • usima1 21.01.2020
      Утренний кофе. Sade (10)
      usima1-фото

      Всем привет.

       

      Цитата: Алан Чочиев
      Впервые в инете Германии вся выставленная Шаде - прошла минные поля авторского права...

       

      Все видео - VEVO. В этом причина).

    • 
    • usima1 20.01.2020
      Мæцæлæджы цад (11)
      usima1-фото

      Арбиаты Хатæхцыхъойы æмдзæвгæ \"Бæлццон\"-æй:

       

      Нæхи Ир иунæгæй куы зайы,

      Нæ фæстæ сидзæрæй, æнкъард,

      Нæ фыдгул не ‘фсырдыл куы райы,

      Куы халы не ‘ппæтæн нæ цард!

       

      Ам дзырд \"æфсырд\" мын æнæзонгæ уыд.  Йе та мæ айрох, афтæ дæр вæййы). Тыны дзырдуæтты йæ агуырттон - нæй. Стæй хæдзары дæр фаг дзырдуæттæ ис. 

      Разынд æрмæст Тахъазти Федары дигорон-уруссаг дзурдуаты, йæ дыгурон формæ - æфсурд.

       

      Æмæ мæм диссаг кæсы, дзырдуат цы хуызы арæзт æрцæуы? Кæд æмæ ирон кълассикты уацмысты бирæ дзырдты дзырдуаты ссарæн нæй. Хатæхцыхъойы æмдзæвгæты кой нæ кæнын, фæлæ Нигеры фæрсын æмæ мыл сымбæлы ацы къуылымпы. Ирон æвзаджы специалист нæ дæн, фæлæ йæ æвзæр нæ зонын. Цал хатты мæ бахъæуы дзырдуатмæ æркæсын... фондз дзырдæй цыппар дзырдуаты нæ разыны. Раздæр мын æнцон уыди, исты куы нæ зонай, уæд дæ мад, йе дæ фыдмæ ахъæр кæн - \"сарат\" та цы у?\", зæгъгæ, æмæ дын дзуапп цæттæ. Йеныр дзырдуæтты æвджид баззадтæн æмæ мын мæ къух æмбæлонæй нæ аразынц).

      Фæлæ амæлттæ ардзыстæм æмæ Мæцæлæджы цады ис-бис фылдæр кæндзыстæм ахæм дзырдтæй). Кæд сомбон дзырдуаты нæуæг рауагъдæн исты фæахъаз уаиккой.  

    Онлайн
    
    Всего на сайте: 2
    Пользователей: 0
    Гостей: 2
    Поиск по сайту
    Архив
    Январь 2020 (38)
    Декабрь 2019 (36)
    Ноябрь 2019 (30)
    Октябрь 2019 (26)
    Сентябрь 2019 (18)
    Август 2019 (28)
    Статистика

    © 2011-2020 aranzeld.com